Brıtanııalyqtar basqa eldiń azamattyǵyn alý úshin DNQ testin paıdalanyp jatyr

ASTANA. KAZINFORM – Mamandar adamdar ózderiniń genealogııalyq DNQ synamalarynyń nátıjelerin basqa elderdiń azamattyǵyn alý úshin qoldana bastaǵanyn aıtty, dep habarlaıdy The Guardian.

DNQ genealogııalyq synaqtary alǵash qoljetimdi bolǵan 2000 jyldan beri álem boıynsha 40 mln-nan astam adam ártúrli kompanııa arqyly bul qyzmetterdi paıdalanǵan. 

«Adamdar qanshalyqty kóp synaqtan ótip, ózderiniń shyǵý tegi men bıologııalyq ata-analary týraly bilse, soǵurlym olar bul derekterdi belgili bir eldiń azamattyǵyn alý úshin dálel retinde paıdalana alady», - dedi Bat ýnıversıtetindegi Mılner evolıýtsııasy ortalyǵynyń dırektory, professor Týrı Kıng. 

Kıng DNQ testin tapsyrý keıbir brıtanııalyqtar úshin bolashaqta qos azamattyq alýdyń ońaı ári keń taralǵan tásili bolady dep sanaıdy. Onyń aıtýynsha, EO-ǵa músheligi bar ırland tólqujattary qatty suranysqa ıe bolýy múmkin. 

Ondaǵan jyldar boıy turmysqa shyqpaǵan ırlandııalyq analar balalaryn brıtanııalyqtardyń asyrap alýyna berýge májbúr boldy.

Irlandııa Syrtqy ister departamentiniń ókili osy eldiń áleýetti azamattary ata-anasynyń biri arqyly Irlandııa azamattyǵyn alýǵa quqyqtaryn dáleldeý úshin DNQ dálelderin paıdalana bastaǵanyn jáne bul dálel tólqujat alýǵa ótinish bergen kezde qabyldanatynyn rastady. Mysaly, 2022 jyly «DNAFamilySecrets» shoýyna túsken Rıchard Seıers EO azamattyǵyn alý úshin DNQ dálelderin paıdalanǵan alǵashqy brıtanııalyqtardyń biri boldy.