Brıtanııalyq kompanııalar 4 kúndik eńbek aptasyna kóshti

ASTANA. KAZINFORM - Eksperımentaldy jobaǵa 61 mekeme qatysqan. Olardyń 89 paıyzynyń az jumys istep, biraz sharýa tyndyrýǵa bolatynyna kózi jetken, dep habarlaıdy Kazinform-nyń osy eldegi menshikti tilshisi Ǵalymjan Qaramanuly.

Qyzmetkerleri jalaqyny tolyq kólemde alǵan. Kúızelisten arylyp, jumysqa degen qulshynystary artqan. Nátıjesinde bıznes ıeleriniń tabysy eselendi. Árbir ekinshi fırma, ıaǵnı 51 paıyzy eksperıment aıaqtalǵannan keıin 4 kúndik kestege birjolata kóship otyr. Ýaqyt únemdegen qyzmetkerler otbasyna jáne óziniń damýyna kóńil bólip, eńbek ónimdiligi artty, deıdi jumys berýshiler.

«Densaýlyq jaǵdaıyna baılanysty demalysqa shyǵatyndardyń sany azaıdy. Eger buryn qatardaǵy qyzmetker jylyna 4-5 ret syrqattansa, qazir 1-2 kún ǵana aýyratyn boldy. Biz nátıjege rızamyz», - dedi Mark Daýns, Koroldik bıologııalyq qoǵamnyń atqarýshy dırektory.