Brıtanııalyq baǵban alyp qııar men baıaldy ósirip, álemdik rekord ornatty

LONDON. KAZINFORM - Brıtanııada alyp jemister men kókónister ósirýdiń chempıony retinde tanylǵan Kevın Forteı rekordtaryn jańartyp, taǵy eki álemdik deńgeıdegi jetistikke jetti, dep habarlaıdy Kazinform tilshisi.

Ýelstegi Kýmbran qalasynyń 46 jastaǵy turǵyny jaqynda dúnıejúzi boıynsha eń bıik 6,5 metrlik qııar ósimdigin ósirip, halyqty tań qaldyrdy. Sonymen qatar ol uzyndyǵy 40 santımetr bolatyn álemdegi eń uzyn baıaldyny ósirip, rekord ornatty.

Kevın Forteıdiń alyp kókónis ósirýge degen qushtarlyǵy ákesi Maık Forteıden daryǵan. Buryn ol tomatıllo, qaýyn jáne kúnbaǵys sııaqty áıdik ósimdikterimen tanylǵan bolatyn. Sondaı-aq aqsaqal 1980 jyldary Alyp kókónister chempıonatynyń negizin qalaǵan kisi. Bul shara qazir ǵalamdyq deńgeıdegi oqıǵaǵa aınalyp otyr.

Kevın Forteıdiń jetistikteri baǵbandardyń jańa býynyn kókónister álemin zertteýge shabyttandyrýda.