Brıtanııaǵa 69 jylda bolmaǵan ystyq keldi
ASTANA. QazAqparat - Londonnyń keıbir bólikterinde beısenbi kúni aýa temperatýrasy 28 gradýstan asty. Bul 1949 jyldan bergi Brıtanııadaǵy sáýirdiń eń ystyq kúni, dep habarlaıdy bbc.com.
Aýa raıynnyń mundaı erekshe bolýy Batys Eýropada qysymnyń joǵary deńgeıiniń saqtalyp, al Atlantıka ústinde qysymnyń kúrt tómendeýinen. Bul Brıtanııa araldaryna qaraı jóńkilgen ystyq aýa aǵynyna jol ashty.
Tabıǵattyń ózgeshe syıyna qala turǵyndary ǵana emes, jan-janýarlar da qatty qýanǵan syńaıly.
Brıtanııada rekordtyq temperatýra plıýs 28,8°C beısenbide, 19 sáýirde kúndiz Londonnyń soltústik- batysyndaǵy Northolt avıabazasynda tirkeldi.
Aıta ketken jón, sońǵy ret brıtan astanasynda mundaı ystyq 1949 jylǵy sáýirde bolǵan. Ol kezde termometr baǵany 29,4°C jetken edi. Bul kóktemniń osy aıyndaǵy absolıýttik rekord bolatyn. Ázirge munan asqan temperatýra bolǵan emes. Negizinde Brıtanııada sáýirde eń joǵary degende plıýs 11,9 gradýsty quraıdy.
