Brıtanııadan tabylǵan koronavırýstyń jańa shtamy Qazaqstanda tirkelgen joq – DSM

NUR-SULTAN. QazAqparat – Ulybrıtanııada anyqtalǵan koronavırýstyń jańa shtamy Qazaqstanda joq. OKQ-da ótken baspasóz máslıhatynda sanıtarlyq-epıdemıologııalyq baqylaý komıtetiniń tóraıymy Aıjan Esmaǵambetova osylaı dedi, dep habarlaıdy QazAqparat tilshisi.

Onyń aıtýynsha, vırýstyń mýtatsııasy – tabıǵı protsess.

«Paıda bolǵaly beri koronavırýs edáýir mýtatsııaǵa ushyraǵan. Qazaqstanda mamyr aıynan bastap qyrkúıekke deıin taraǵan shtamdar zertteldi. Búginge deıin bizdiń elde Germanııa, Ispanııa, Ýkraına, Reseı, AQSh pen Qytaıda taraǵan shtamdar anyqtalǵan bolatyn», - dedi Aıjan Esmaǵambetova OKQ-da ótken baspasóz máslıhatynda.

Onyń aıtýynsha, Ulybrıtanııadan tabylǵan koronavırýstyń jańa shtamy Qazaqstanda anyqtalmaǵan.

Komıtet basshysy sonymen qatar vırýstyń mýtatsııasyna qatysty zertteý áli de jalǵasyp jatqanyn, vırýsqa tolyqqandy zertteý júrgizý úshin aımaqtarda tirkelgen jaǵdaılar zerdelenip jatqanyn aıtty.