Brıtanııadaǵy saılaý: Borıs Djonsonnyń partııasy parlamentte absolıýtti basymdyqqa ıe boldy
NUR-SULTAN. QazAqparat – Premer-mınıstr Borıs Djonson basqaratyn konservatıvti partııa Lordtar palatasynda merziminen buryn ótken saılaýda jeńiske jetti. Djonson kóp uzamaı eldi Eýroodaqtan shyǵarýǵa ýáde berdi, dep habaralaıdy bbc.com.
London ýaqyty boıynsha tańǵy 7-de Konservatıvtik partııa Lordtar palatasyndaǵy 650 orynnyń 351-ne ıe boldy. Keıbir bólimshelerde daýystardy esepteý áli aıaqtalǵan joq.
Djeremı Korbın basqaryp otyrǵan konservatorlardyń basty qarsylastary, ıaǵnı leıborıster ázirge 203 mandatqa qol jetkizdi. Shotlandyq Ulttyq partııa – 48 mandat, Lıberaldy-demokratııalyq partııa – 11 mandat, soltústik ırlandııalyq Demokratııalyq ıýnıonıstik partııa – 8, Ýels Partııasy – 4, jasyldar 1 mandatty ıelendi.
Konservatorlar Borıs Djonson úkimeti men Brıýssel arasynda bolǵan Brıtanııanyń Eýroodaqtan shyǵý týraly kelisimin ratıfıkatsııalaýǵa nıetti, jáne 2020 jyldyń 31 qańtarynda Brıtanııa formaldy túrde Eýroodaqtan shyǵady.
