Brıtanııada zoobaq qyzmetkerin jolbarys talap óltirdi
ASTANA. QazAqparat - Brıtanııada Kembrıdjshır graftyǵynyń Hantıngdon qalasynda jolbarystyń torynda qalyp qoıǵan haıýanattar baǵynyń qyzmetkeri qaza tapty, dep habarlaıdy Bı-Bı-Sı agenttigi.
Jergilikti polıtsııanyń habarlaýynsha, jolbarys volerde qyzmetker júrgen kezde kirip kelip, tap bergen. Áıel sol jerde kóz jumdy.
Ázirge polıtsııa qorshaý ishinde qyzmetker bolǵan kezinde jyrtqyshtyń oǵan qalaı jáne qashan tap bolǵanyn anyqtaý ústinde.
Hamerton Zoo Park baǵynyń basshylyǵy qaıǵyly oqıǵany kezdeısoq jaǵdaı dep málimdedi. Ákimshiliktiń aıtýynsha, haıýanattar baǵyna kelýshilerge qaýip tónbegen, jolbarys qorshaýdan syrtqa shyǵyp ketpýi múmkin emes eken.
Eske sala ketsek, 2008 jyly qazan aıynda osy zoobaqtan qabylan qashyp ketken bolatyn. Jyrtqyshty óz aýlasynan kórip qalǵan on jasar bala polıtsııaǵa habar bergen edi.
