Brıtanııada júk kóliginen tabylǵan 39 múrdeni anyqtap jatyr
NUR-SULTAN. QazAqparat – Brıtanııa polıtsııasy Esseks graftyǵynda júk kóliginen tabylǵan 39 múrdeniń jeke tulǵasyn anyqtap jatyr, dep habarlaıdy QazAqparat BBC-ge silteme jasap.
Polıtsııa júk kóliginiń 25 jastaǵy júrgizýshisinen jaýap alýda. Jigittiń aty - Mo Robınson, Soltústik Irlandııadaǵy Portadaýnda týǵan.
Avtotasymaldaýshylar qaýymdastyǵynyń atqarýshy dırektory Rıchard Bernettiń aıtýynsha, júk kóligi - refrıjeratorlyq agregat, alyp muzdatqyshtyń ishindegi aýa temperatýrasyn -25 ° S-qa deıin tómendetýge bolady.
Bernett bul asa qorqynyshty jaǵdaı ekenin aıtqan.
Esseks polıtsııasy bastyǵynyń orynbasary Pıppa Mılls uzaqqa sozylsa da múrdelerdiń tulǵasyn anyqtaýdyń mańyzy zor ekendigin jetkizdi.
Polıtsııa ustalǵan er adamǵa tıesili eki úıdi tintip shyqty.
Qylmysqa qarsy kúres ulttyq agenttigi isti tergeýge qolǵabys etip otyrǵanyn málimdedi.
Bolgarııa Syrtqy ister mınıstrliginiń ókili júk kóliginiń Bolgarııadaǵy Irlandııa azamatyna tıesili kompanııanyń atyna tirkelgenin aıtty. Mınıstrlik ókiliniń sózi múrdelerdiń Bolgarııa azamattary emes degenge saıady.
Eske sala keteıik, keshe Esseks graftyǵynyń Tarrok qalasynda konteınerlik júk kóliginen 39 adamnyń denesi tabylǵanyn habarlaǵan edik. Olardyń 38-i – eresek, bireýi jasóspirimniń múrdesi.
