Brıtanııada júk kóliginen 15 adam tabyldy
NUR-SULTAN. QazAqparat - Essekstegi oqıǵadan birneshe apta ýaqyt ótken soń Brıtanııada júk kóliginen 15 adam tabyldy, dep habarlaıdy CNN.
«Anglııanyń ońtústik batysynda júk kóliginen tabylǵan 15 adam memleketke zańsyz kirdi degen kúdikpen qamaýǵa alyndy», dep jazady basylym. Avtordyń aıtýynsha, júk kóliginiń júrgizýshisi, 50 jastaǵy Irlandııa azamaty da olarǵa kómek kórsetkeni úshin qamaýǵa alyndy. Polıtsııanyń habarlaýynsha, júk kóliginen tabylǵan 16 men 30 jos aralyǵyndaǵy er adamdardyń qaı memleket azamattary ekeni áli belgisiz.
Bul oqıǵa Essekste júk kóliginen 39 adamnyń denesi tabylǵannan keıin birneshe aptadan soń bolyp otyr. Osy aptada Vetnam polıtsııasy oqıǵaǵa oraı segiz adamdy qamaýǵa alǵanyn habarlaǵan edi. Sonymen qatar júk kóliginiń júrgizýshisi, 25 jastaǵy Mo Robınson ótken aıda sot aldynda jaýap berdi.
