Brıtanııada joǵalǵan qazaq qyzy Domınıkannan tabyldy
ASTANA. 21 qańtar. QazAqparat - Ulybrıtanııanyń bedeldi mektep-ınternatynan qashyp ketken eki oqýshy Domınıkan Respýblıkasynyń kýrortynan tabyldy,
dep habarlaıdy lenta.ru Agence France-Presse agenttigine silteme jasap.
Qazaqstannyń týmasy, 17 jastaǵy Indıra Gaınıeva men 16 jastaǵy Edvard Banıan Stonıherst kolledjinen 13 qańtar kúni qashyp ketken. Olar taksımen Manchester áýejaıyna baryp, sol jerden Domınıkanǵa ushyp ketken. Jasóspirimder Pýnta-Kana kýrortyndaǵy bes juldyzdy qonaqúıge toqtaǵan. Ekeýi qashqan kúnnen bastap telefonǵa jaýap bermegen. Al bılet pen qonaqúıdiń qyzmetine ata-analarynyń esep-shotymen baılanysty nesıe kartochkalarymen tólegen.
Qazirgi ýaqytta oqýshylardy Ulybrıtanııaǵa qaıtarý máselesi qarastyrylyp jatyr. Olarǵa qatysty qandaı tártiptik shara qoldanylary ázirge belgisiz.
Aıta keterligi, Lankashır grafttyǵynda ornalasqan Stonıherst kolledji 1593 jyly ashylǵan. Ondaǵy bir jyldyq oqý aqysy 30 myń fýnt (8 mln.teńge) turady.
