Brıtanııada úısiz qaıyrshyǵa quny 12 myń dollar turatyn moneta tastaǵan
ASTANA. QazAqparat - Ulybrıtanııanyń Ekseter qalasynda belgisiz adam úısiz qaıyrshyǵa kollektsııalyq 50 pens tastaǵan. Onyń quny 10 myń fýnt (12 myń dollardaı) turatyn bolyp shyqty, dep habarlaıdy Metro.
Qoıannyń beınesi bar bul erekshe monetany kórgen soń er adam birden polıtseılerden onyń qansha turatynyn bilip berýin suraǵan. Saqshylar smartfonnyń kómegimen júzshaqty ǵana kollektsııalyq monetanyń biri ekendigin anyqtaǵan. Olar 2016 jyly tanymal balalar jazýshysy Beatrıs Potterdiń 150 jyldyǵyna oraı shyǵarylǵan bolyp shyqty.
7 qyrly monetada Potterdiń ertegileriniń biriniń keıipkeri - Pıter esimdi qoıan, Ýhtı-Týhtı jáne Djonnı tıin beınelengen.
Alǵash shyǵarylǵan kezde monetalardyń quny 55 fýnt (60 dollardaı) bolǵan.
