Brıtanııada ushaqty ushqyshtyń ornyna jolaýshy qondyrdy
ASTANA. 9 qazan. QazAqparat - Shaǵyn ushaqtyń jolaýshysy Brıtanııanyń soltústik-shyǵysyndaǵy Hambersaıd áýejaıyna áýe kóligin aman-esen qondyrdy.
Atap aıtqanda ushaq ushqyshynyń densaýlyq jaǵdaıy áýede kúrt nasharlaǵannan keıin atalǵan jolaýshy osyndaı qadamǵa barýǵa májbúr bolǵan.
VVS-diń jazýynsha, ushqysh apat dabylyn jibergennen keıin áýejaıǵa eki avıanusqaýshy shaqyrylǵan kórinedi. Olar óz kezeginde jolaýshyǵa ushaqty otyrǵyzýǵa kómektesti.
Avıanusqaýshynyń biri Roı Mıýrreıdiń sózine qaraǵanda, jolaýshynyń ushaqty basqarýda eshqandaı tájirıbesi bolmaǵan, alaıda ol tórtinshi áreketten keıin ushaqty sátti qondyrdy. Mıýrreı bul azamatty sabyrǵa shaqyryp, áýe kóligin otyrǵyzýdyń barlyq qyr-syryn túsindirip otyrǵan eken.
