Brıtanııada turatyn qazaqstandyq álemge debıýttik týyndysyn usynbaq
ALMATY. QazAqparat - Tanymal qazaqstandyq skrıpkashy Ǵalııa Bısenǵalıeva óziniń debıýttik týyndysyn jazyp, ony brıtandyq mýzykantpen birlesip shyǵarǵan albomyna engizdi, dep habarlaıdy QazAqparat tilshisi.
19 qazanda «Tulpar» («Tulpar») sınglynyń álemdik tusaýkeseri ótedi. Bul tanymal qazaqstandyq skrıpkashy Ǵalııa Bısenǵalıevanyń alǵashqy týyndysy.
Ǵalııa óz otanyn saǵynyp, ulttyq mıfologııaǵa júgingen. Ol Ulybrıtanııada uzaq ýaqyt boıy jumys istep, eýropalyq tyńdarmandaryn týǵan eliniń dástúri men mádenıetimen tanystyryp júr.
«Tulpar» «EP ONE» atty albomǵa kiredi, onda skrıpka men elektrondyq mýzykanyń úndesken áýenin tyńdaýǵa bolady. 3 týyndyny jas daryndy kompozıtor qyzdar shyǵarǵan.
Albomnyń prezentatsııasy 30 qarashada ótedi. «EP ONE» albomyndaǵy týyndylar Londondaǵy Spitfire Audio stýdııasynda basylǵan.
Ǵalııa Bısenǵalıeva - halyqaralyq konkýrstardyń laýreaty, Londondaǵy Koroleva mýzyka akademııasyn skrıpka klasy boıynsha támamdaǵan. Byltyr akademııa skrıpkashy qyzǵa Associate of Royal Academy of Music Award marapatyn tabys etken edi.
Ǵalııanyń ata-anasy - kásibı mýzykanttar. Ákesi - tanymal qazaqstandyq skrıpkashy Saǵadat Bısenǵalıev (qazaqstandyq skrıpkashy-vırtýoz Marat Bısenǵalıevtiń aǵasy).
