Brıtanııada terrorızmge qarsy qaýipsizdik sharalary barynsha kúsheıtildi

ASTANA. QazAqparat - Ulybrıtanııada terrorızmge qarsy qaýipsizdik sharalary barynsha kúsheıtildi, dep habarlady el premer-mınıstri Tereza Meı. Bul habardy Rıa Novostı agenttigi taratty.

«Manchesterde bolǵan teraktige baılanysta terrorızmge qarsy qaýipsizdik sharalaryn barynsha kúsheıtý týraly sheshim qabyldanǵan. Bul - elde terakt bolmaýy múmkin emes degendi bildiredi. Bul kóptegen mańyzdy oryndarda polıtsııa qyzmetkerlerin áskerıler almastyrady degen sóz»,-dedi Meı quramyna úkimet pen arnaıy qyzmet ókilderi kiretin COBRA tótenshe jaǵdaılar komıtetiniń májilisinen soń.

Manchesterde terakt dúısenbi kúni keshkisin amerıkalyq ánshi Arıana Grandeniń kontserti kezinde boldy. Jarylysty jankeshti uıymdastyrdy. Sońǵy málimetter boıynsha, jaralystyń saldarynan 22 adam mert bolyp, 120 adam dene jaraqatyn aldy. Sonymen qatar birneshe jasóspirim iz-túzsiz joǵalyp ketken.