Brıtanııada tas jeıtin balaǵa jergilikti bılik qol ushyn sozdy
ASTANA. 21 aqpan. QazAqparat - Manchesterdiń shet aımaǵynda turatyn 6 jasar Zak Tahır as qorytý júıesiniń sırek kezdesetin syrqaty - Paık sındromyna dýshar bolǵan, dep habarlaıdy Ýtro.rý. Ol qolyna túsken tas kesekterin, jıhaz, qaǵaz, tipti kez-kelgen zatty jep qoıýǵa daıyn turady eken.
Úıdegi jıhazdy kemire bastaǵan balanyń anasy oǵan arnaıy bólme jasaqtaǵan. Ondaǵy qabyrǵalar skvosh oıyny kezinde qoldanylatyn materıalmen qaptalǵan.
Zak Tahırdiń bólmesine onyń anasy Reıchel Hornǵa 36 myń fýnt sterlıng ($54 myń) qarajat jumsaǵan. Sonyń 26 myń fýntyn otbasy turyp jatqan Selford qalasynyń bıligi bólgen.
Aıta keteıik, Tahır osyndaı syrqatpen aýyratyn álemdegi jalǵyz bala emes. AQSh-tyń Indıana shtatynda turatyn Natalı Haıherst esimdi kishkentaı búldirshin de taıaq pen tas jeýge áýes, birde ol elektr shamyn jep qoıǵan.
