Brıtanııada smartfonǵa úńilgen adamdar soǵylyp qala beretin eskertkish alyp tastaldy
ASTANA. QazAqparat - Ulybrıtanııada shirkeý mańyndaǵy eskertkishti basqa jerge kóshirdi. Sebebi smartfon qarap, onda mátin terip kele jatqan adamdar ony baıqamaı, bastaryn soǵyp ala bergen. Bul týraly The Telegraph agenttigi habarlady.
Alaqan qysqan eki qol túrindegi alty metrlik eskertkish músin «Taǵzym» dep atalady. Ol 12 aqpanda Solsberıde ashylǵan «Syılastyq» atalatyn Sofı Raıderdiń músin kórmesiniń bóligi. Bastapqyda ol jaıaý júrginshilerdiń soqpaq jolynda ornalasqan, ári júrginshiler ony aınalyp ótýi kerek-tin.
Músinshi Sofı Feısbýkte músindi kóshirý barysy túsirilgen vıdeo jarııalap, bylaı dep jazdy: «Músindi basqa jerge aýystyrýǵa májbúr boldyq, sebebi smartfonda mátin terip, qurylǵydan kóz almaı kele jatqan adamdar oǵan baspen soǵylyp jatyr. Osyndaı jaǵdaı jıilep ketti».
Jaıaý kele jatyp uıaly telefonnan bas almaı mátin terýdi tekstıng dep ataıdy, sonyń saldarynan jaraqat alý kúrdeli máselege aınalyp otyr. AQSh-ta tekstıng saldarynan jaraqat alǵandar jyl saıyn artyp keledi. 2010 - 2014 jyldar kezeńinde ol 124%-ǵa artty.
