Brıtanııada sheteldik kompanııalardy ıelerin jarııalaýǵa mindetteıdi
ASTANA. QazAqparat - Ulybrıtanııa bıligi el aýmaǵynda múlki bar sheteldik kompanııalardy ıelerin jarııalaýdy mindetteıdi. Elde jeke menshik benefetsıarlarynyń alǵashqy qoǵamdyq tizilimi qurylady.
Ulybrıtanııada múlki bar nemese ony satyp alǵysy keletin, nemese úkimettik kelisimsharttardyń konkýrsyna qatysatyn sheteldik kompanııalar ıelerin jarııalaýy shart, delingen el premer-mınıstri Devıd Kemeronnyń keńsesi taratqan málimdemede, dep jazdy RBK.
Anglııadaǵy jáne Ýelstegi shamamen 100 000 nysan sheteldik kompanııalardyń ıeliginde, delingen málimdemede.
Kompanııalar jeke menshik benefetsıarlary týraly aqparattyń qoǵamdyq tizilimine tirkelýge mindetteledi. Tizilim kelesi aıda iske qosylady. Frantsııa, Nıderlandy, Nıgerııa jáne Aýǵanstan Brıtanııadan úlgi alyp, óz tizilimderin qurady. Avstralııa, Jańa Zelandııa, Iordanııa, Indonezııa, Irlandııa jáne Grýzııa mundaı tetikterdi qurý baǵytynda jumys isteýge ýaǵdalasty.
«Sheteldik kompanııalarǵa arnalǵan jańa tizilim jemqorlardyń qylmystyq áreketterin júzege asyrýǵa kedergi keltiredi. Olar memleket qarajaty esebinen paıda tappaıdy», - delingen málimdemede.
Sonymen qatar habarlamada Ulybrıtanııada álemdegi birinshi Halyqaralyq jemqorlyqqa qarsy úılestirý ortalyǵy qurylatyny atalyp ótildi. Ol Londonda ornalaspaq. Bul rette Brıtanııamen AQSh, Kanada, Avstralııa, Jańa Zelandııa, Shveıtsarııa jáne Interpol yqpaldasatyn bolady.
