Brıtanııada referendým: «Breksıttiń» jaqtastary kósh bastady
ASTANA. QazAqparat - Brıtanııanyń Eýroodaqtan shyǵýyna baılanysty ótkizilgen referendýmda 25 mln-nan astam adamnyń daýysy esepteldi, dep habarlady VVS agenttigi.
«Breksıt», ıaǵnı, Brıtanııanyń EO-dan shyǵýyn qoldaýshylar mıllıon daýyspen alǵa shyqty. Kóptegen sarapshylar daýys berý nátıjesine kúmán keltirgen joq.
EO-dan Brıtanııanyń shyǵýyna qazirgi sátte 14,6 mln astam adam daýys berdi. EO-dan shyǵýǵa qarsy daýys bergender sany - 13,6 mln. adam. Óz tańdaýyn jasaýǵa qatysqandar sany - jalpy daýys berýshilerdiń 70 paıyzy.
Shotlandııa, Soltústik Irlandııa jáne Londondaǵy saılaýshylar «breksıtke» qarsy daýys berdi.
