Brıtanııada mıy basynyń syrtyna shyqqan sábı dúnıege keldi - FOTO
ASTANA. QazAqparat - Brıtanııada mıy bassúıeginiń syrtyna shyqqan Feıt Martın esimdi náreste dúnıege keldi.
The Daily mail basylymynyń habarlaýynsha, dárigerler balanyń sırek kezdesetin entsıfalotsele atty aýytqýshylyǵyna ushyraǵanyn ana jatyrynda jatqanda anyqtady. Uryqtyń júıke tútigi bastapqy damý satysynda mı men julynǵa durys bólinbegen. Mamandar birden onyń bassúıeginde tesik baryn jáne odan mıdyń bir bóligi syrtqa shyǵyp turǵanyn ata-anasyna jetkizgen. Alaıda, olar túsik jasatýdan bas tartyp, nárestege ómir syılaýdy sheshti.
Dárigerler syrtta turǵan mıy onyń dem alý fýnktsııasyna jaýap beretin bóligi bolýy yqtımaldyǵyn aıtyp, ol óli týýy múmkin ekendigin de aıtqan. Degenmen, brıtandyq áıel sátti bosandy. Jaryq dúnıe esigin ashqan sábıdiń basynyń syrtynda 6 santımetrlik mı shyǵyp turǵan. Úsh aıdan soń ol tipti 21 santımetrge deıin ósip ketti. Dárigerler saraptama ótkizip, bassúıeginiń syrtyna shyqqan mı jasýshalary óli ekendigin anyqtady. Sondyqtan ony hırýrgııalyq jolmen alyp tastady.
