Brıtanııada mıllıarderler sany alǵash ret 100-den asty
ASTANA. QazAqparat - Ulybrıtanııa aýmaǵynda turatyn dollarlyq mıllıarderler sany alǵash ret júzden asyp jyǵylyp, 104-ke jetti. Bul týraly Bı-bı-sı Sunday Times gazetine silteme jasap habarlady.
Basylym sarapshy Fılıp Beresfordtyń sózinen málimetter keltirgen. Máselen, onyń málimetterinshe, tizimdegi 73 adam Londonda turady, sóıtip ol asa dáýletti turǵyndar sanymen birinshi orynǵa shyǵyp otyr.
Máskeýde - 48, al Nıý-Iorkte - dollarlyq 43 mıllıarder turady.
Beresfordtyń atap ótýinshe, Brıtanııadaǵy eń baı adamdardyń osyndaı tabysqa jetýine salyq rejıminiń qolaılylyǵy, mádenı demalystyń ártúrliligi jáne bilimniń joǵary sapasy ıgi yqpal etken.
