Brıtanııada lotereıadan £33 mln utyp alǵan baqytty jan tabylmaı jatyr
ASTANA. QazAqparat - Ulybrıtanııada 33 mln fýnt-sterlıngke teń djekpottyń jarty utysyn jeńip alǵan bılet ıesin taba almaı jatyr, dep habarlaıdy Gazeta.rý.
Lotereıa uıymdastyrýshylarynyń sózine qaraǵanda, utysty alyp ketýge eshkim kelmeı otyr. Kompanııanyń resmı ókili habarlaǵandaı, Camelot ulttyq lotereıasynyń uıymdastyrýshylary bul jaǵdaıǵa tańdanys bildirýde. Atalǵan kompanııa utys ıegerin tabý maqsatynda bılet satylǵan Výster qalasynyń 100 myńdaı turǵynyn qulaqtandyrdy. Eger utysty 180 kúnniń ishinde alyp úlgermese, djekpot kólemi kelesi utysqa deıin osyndaı somaǵa artady, dep jazady 24.kz.
Aıta keteıik, shotlandııalyq Hoıka januıasy djekpottyń jarty utysyn ótken aptada alyp ketken bolatyn.
Foto: newsofgambling.com
