Brıtanııada qus tumaýy órshidi
ASTANA. QazAqparat - Anglııanyń Lınkolshnır graftyǵyndaǵy túıequs fermasynda qus tumaýynyń órshigendigi belgili boldy, dep habarlady Brıtanııanyń Qorshaǵan ortany qorǵaý mınıstrliginiń ókilderi. Bul týraly Rıa Novostı habarlady.
Qustardyń basym bóligi aýrýdyń saldarynan qyrylyp qalǵan. Al, tiri qalǵandarynyń óziniń kózin joıý qajet bolyp tur. Fermanyń radıýsy 3 km aımaqty qamtıtyn aınalasynda júrýge shekteý qoıyldy. Osy aımaqta qus etiniń saýdasy men qus jármeńkesin ótkizý sııaqty sharalarǵa da tyıym salyndy.
«Adamdardyń densaýlyqtaryna degen qaýip deńgeıi tómendeı tústi. Azyq-túlik standarty jónindegi agenttik ókilderi brıtanııalyq satyp alýshylardyń osy oqıǵanyń saldarynan qandaı da bir qıyn jaǵdaıa tap bolýyna baılanysty qaýiptiń joq ekendigin rastap otyr»,-delingen mınıstrlik taratqan málimdemede.
Brıtanııada qus tumaýynyń órshý jaǵdaıy sońǵy ret osydan bir jylǵa jýyq ýaqyt buryn bolǵan.
