Brıtanııada qyzylsha aýrýy órship tur
ASTANA. KAZINFORM - Brıtanııada qyzylsha aýrýy órship tur. Ótken jyly tek Anglııa men Ýelste 1603 jaǵdaı tirkelgen. Bul aldyńǵy jylmen salystyrǵan 2 esege kóp, dep habarlaıdy Kazinform-nyń Anglııadaǵy tilshisi.
Sarapshylardyń pikirinshe, juqpaly ınfektsııalyq aýrý keń tarap, aýqymy odan da úlken bolýy múmkin. Óıtkeni elde qyzylshaǵa qarsy vaktsına saldyrmaǵandar kóp.
Qyzylshadan, qyzamyqtan jáne epıdemııalyq parotıtten qatar qorǵaıtyn eki fazaly ekpe ádette bala kezde salynady. Londonda 5 jasqa deıingi balalardyń 75 paıyzy ǵana eki vaktsına alǵan, al tutas el boıynsha bul kórsetkish 85 paıyzdy quraıdy.
Dúnıejúzilik densaýlyq saqtaý uıymy sarapshylarynyń pikirinshe, ujymdyq ımmýnıtetti qalyptastyrý úshin jáne aýrýdyń órshýine jol bermeý maqsatynda vaktsınatsııa deńgeıi 95 paıyzǵa jetýi kerek.
