Brıtanııada kelbetti tanıtyn júıe kómegimen alǵashqy kúdikti ustaldy
ASTANA. QazAqparat - Kardıff qalasynyń (Ońtústik Ýels) polıtsııasy adam túrin anyqtaıtyn júıeniń kómegimen alǵashqy kúdiktini ustady, dep habarlaıdy Ars Technica .
Polıtsııanyń aıtýynsha, er adamdy polıtsııa kóligine ornatylǵan kamera «tanyp» qoıǵan.
Buǵan deıin adamdy avtomatty túrde tanıtyn algorıtmdi kamera (AFR) Kardıff temir jol vokzalynda ornatylatyny habarlanǵan. Sondaı-aq osyndaı baqylaý kamerasy fýtbol buzaqylarynyń janjaly jıi tirkeletin stadıonnyń aınalasyna qoıý kózdelgeni jarııa etildi. Óıtkeni onda 3 maýsymda Chempıondar lıgasy ótken bolatyn.
Qazir AFR málimetter qorynda Ulybrıtanııa polıtsııasynyń aıryqsha baqylaýyna ilikken 500 myńnan astam adamnyń deregi bar.
Polıtsııa ustalǵan kúdiktige qandaı aıyp taǵylǵanyn ázirge jarııa etpedi. Belgilisi ol jergilikti turǵyn, ári fýtbol matchtaryna qatysy joq.
