Ulybrıtanııada qaıtys bolǵan donordyń jatyry salynǵan áıel bosandy

ASTANA. KAZINFORM – Ulybrıtanııada qaıtys bolǵan donordan jatyry transplantatsııalanǵannan keıin alǵashqy sábı dúnıege keldi. Hıýgo esimdi er balaǵa 10 apta boldy. Ol Londonnyń batysynda 2025 jyldyń Rojdestvo merekesi qarsańynda dúnıege keldi, dep habarlaıdy VVS.

Sábıdiń ata-anasy buny «ǵajaıyp sát» dep baǵalap, donordyń otbasyna erekshe rızashylyq bildirdi.

Olardyń aıtýynsha, bir otbasynyń asqan janashyrlyǵy men batyl sheshimi ózderine ata-ana bolý baqytyn syılaǵan.

Otaǵa London jáne Oksford qalalarynyń bilikti hırýrgteri qatysqan. Olar júktilik barysyn muqııat baqylap, bosandyrý protsesin sátti ótkizgen.

Mamandar bul oqıǵany «serpindi sát» dep baǵalap otyr. Sebebi bul tájirıbe aýyr dıagnoz saldarynan ana bolý múmkindiginen aıyrylǵan áıelderge úmit syılaıdy.

Aıta keteıik, Brıtanııada jatyr transplantatsııasynan keıin bala týý jaǵdaıy buryn da tirkelgen. 2025 jyldyń basynda Emı esimdi qyz tiri donordan jasalǵan transplantatsııadan keıin dúnıege kelgen alǵashqy brıtandyq atanǵan edi.

Donorlyq — tehnologııa ǵana emes, senim. Qoǵam ókilderiniń bir-birine degen jaýapkershiligi. Búginde Qazaqstanda 4,5 myńnan astam adam donorlyq organdar kezeginde tur.

Osyǵan deıin máıittik donorlyqtyń tártibi men quqyqtyq negizderi týraly jazdyq.