Brıtanııada qar jaýyp, mektepter jabyldy

ASTANA. KAZINFORM – Ulybrıtanııada búgin qalyń qar jaýyp, aýa temperatýrasy -4°C-qa deıin tómendep, joldar men temirjoldarda haos týdyrdy. Meteorologııalyq bıýro bir kún buryn qar, kóktaıǵaq jáne aıaz týraly birneshe eskertý jasaǵanymen, brıtandyqtar mundaı aýyr aýa raıy jaǵdaıyna daıyn bolmady, dep jazady Grani saıty Daily Express- ke silteme jasap.

Ulybrıtanııanyń keıbir bólikterinde, sonyń ishinde Iorkshır, túnde Ýels, Soltústik Irlandııa jáne Shotlandııa sııaqty elderde qar jaýdy. Ulttyq avtomagıstraldarda aýa raıynyń qolaısyzdyǵyna baılanysty qaýip-qaterdiń sary deńgeıi jarııalandy. Aq ulpanyń qalyńdyǵy 15 sm-ge deıin jetkendikten, aıaz kúsheıip, jol qozǵalysy qıyndap otyr.

Qolaısyz kún raıyna baılanysty Brıtanııada 200 mektep jabyldy. Sınoptıkter aýa temperatýrasy apta sońyna deıin qalypty mejeden tómen bolady dep boljady.

Eske sala keteıik, buǵan deıin Ulybrıtanııa semizdikpen kúresýge arnalǵan dárini synaqtan ótkizetinin jazǵan bolatynbyz.