Brıtanııada ıt 200 myń eýronyń lotereıa bıletin taýyp aldy
ASTANA. QazAqparat - Brıtanııalyq jup Djeın men Alan Sleıter lotereıadan 150 myń eýro aqshany utyp alý baqytyna bólendi.
Otbasy júldesin alyp, ony qaıda jumsaıtyny týraly josparlaryn quryp júrgen edi. Kelesi kúni serýenge shyqqan mıssıs Sleıter labrador ıti Rýbıdi ózimen birge alǵan. Úıge oralǵanda, ıti kóliktiń artqy jaǵyna qaıta-qaıta sekirip, qojaıynynyń nazaryn lotereıa jýrnalynda qalyp qoıǵan bir qaǵazǵa aýdartqysy kelgen. Mine qyzyq, álgi qaǵazdy kórgen Djeınniń qýanyshynda shek bolmady.
Djeın Sleıter buǵan sene almastan dereý jubaıynyń jumysyna telefon soqty. Ol birinshi utys bıletiniń úıde jatqanyn anyqtaǵysy kelgen, dep habarlaıdy Daily Mirror.
Aqyry otbasylyq jup bir lotereıada eki ret utqandaryn túsindi. Endi olar utysynyń bir bóligin ıtine alǵys bildirý úshin jumsaýdy kózdep otyr.
