Brıtanııada hanzada Ýılıam men Keıt Mıdltonnyń neke qııý baǵdarlamasy jarııalandy
ASTANA. 8 qańtar. QazAqparat - Brıtanııalyq patsha saraıy hanzada Ýılıam men Keıt Mıdltonnyń neke qııý baǵdarlamasyn jarııalady. Úılený toıy osy jyldyń sáýir aıynyń sońyna belgilendi. Hattamaǵa sáıkes, úılený saltanaty qalyńdyq avtokólikpen keletin Vestmınster abbattyǵynda ótedi, dep habarlaıdy "Rossııa 24″ telearnasy.
Neke qııý ǵurpynan keıin jastar kúımede Býkıngem saraıyna attanady, onda olardyń qurmetine bal bolady. Degenmen, brıtandyq BAQ-ty is-sharanyń basqa tusy, mysaly, qalyńdyqtyń kóılegi qandaı bolady degen másele kóbirek alańdatyp otyr. Olarǵa jaqyn júrgen adamdar Keıttiń kıimi qarapaıym ári qazirgi zamanǵa laıyq bolatynyna senimdi.
