Brıtanııada hanshaıymnyń dúnıege kelýi qurmetine eskertkish shaqalar soǵylmaq
ASTANA. QazAqparat - Ulybrıtanııanyń koroldik shaqa saraıy Kembrıdj gertsogy men gertsogınıanyń qyzdary dúnıege kelýi qurmetine on myń eskertkish shaqa soǵatynyn jarııalady, dep habarlady RIA Novostı Daily Mail basylymyna silteme jasap.
Kembrıdj gertsogy men gertsogınıasynda senbi kúni ekinshi bala - qyz dúnıege keldi, ol patshaıym Elızaveta Ekinshiniń besinshi shóberesi boldy. Ol Kembrıdj hanshaıymy ataǵyna ıe bolady jáne atasynan, ákesinen jáne aǵasynan keıin brıtan taǵy kezeginde tórtinshi oryn alady.
Barlyǵy 88-shi synamaly altynnan salmaǵy 40 gramǵa deıingi 500 shaqa soǵylady, qalǵany kúmisten jasalady jáne salmaǵy 28 gramm shamasynda bolmaq. Shaqanyń bir betinde brıtan patshaıymynyń portreti, ekinshi jaǵynda - lalagúl beınelenedi.
Bı-Bı-sı teleradıokorporatsııasynyń atap ótýinshe, taǵy 2015 kúmis pennı hanshaıym dúnıege kelgen kúni týylǵan balalarǵa tapsyrylady.
