Brıtanııada erler men áıelderge bólek poıyzdar shyǵarý usynyldy
ASTANA. QazAqparat - Ulybrıtanııanyń kóleńkeli mınıstrler kabınetiniń múshesi Krıs Ýılmson erler men áıelderge bólek poıyz shyǵarýdy usyndy, dep jazdy Telegraph basylymy.
Onyń aıtýynsha, mundaı sheshim áıelder úshin «qaýipsiz keńistik» qurýǵa jasalǵan qadam bolar edi. Óıtkeni, elde sońǵy bes jylda poıyzdardaǵy seksýaldyq sıpattaǵy qylmys túrleri eki esege artqan.
Basylymnyń jazýynsha, 2016-2017 jyldary brıtan polıtsııasy 1448 qylmystyq oqıǵany tirkegen.
Eń alǵash mundaı bastamany 2015 jylǵy saılaý naýqany kezinde Leıborıstik partııa kóshbasshysy Djeremı Korbın kótergen bolatyn. Alaıda, jurtshylyqtyń, sondaı-aq áıel-depýtattar tarapynan aıtylǵan synnan keıin bul jospar júzege asyrylmaı qaldy.
