Brıtanııada denesine órnek salǵan adamdar kontrbarlaýshy bola almaıdy
ASTANA. QazAqparat - Brıtanııalyq MI5 kontrbarlaý qyzmeti ǵalamtorda qyzmet vakansııasyn jarııalady. Bul qyzmetke úmitkerlerdiń júzinde, moıny men bileginde órnektiń (tatý) bolmaýy shart. Mundaı shekteýdiń qoıylýy arnaıy agentti osy dene órneginen tanyp qoıýǵa bolatyndyǵymen baılanysty.
Bul týraly Bı-bı-sı jazady.
Sonymen qatar, úmitker erlerdiń boıy 1,86 metrden artyq emes, al áıelderdiń boıy - 1,72 metrden aspaýy tıis. Arnaıy qyzmettiń bolashaq qyzmetkerleriniń dene qýaty myqty, kórý jáne estý qabiletteri jaqsy bolýy qajet.
