Brıtanııada demikpe dertine qarsy jańa dári tabyldy
ASTANA. QazAqparat - Brıtanııa dárigerleri synaqtan ótkizip jatqan jańa dári demikpe aýrýynan zardap shegetinderdiń azabyn jeńildetýi múmkin, dep habarlady VVS.
Bul zertteý brıtanııalyq «Lancet» medıtsınalyq jýrnalynda jarııalandy. Júrgizilgen zertteý málimetterine súıensek, Fevipiprant dep atalatyn dári tájirıbege qatysqan naýqastardyń tynys alý jolynyń asqynýyn azaıtqan.
Ulybrıtanııada 5 mıllıonnan astam adam demigip aýyrady. 2014 jyly elde 1200 adam osy dertten qaıtys bolǵan.
