Brıtanııada Birinshi dúnıejúzilik soǵys kezindegi fýtbolshylarǵa arnalǵan eskertkish ashyldy
ASTANA. QazAqparat - Anglııadaǵy Staffordshırde brıtandyq jáne germanııalyq jaýyngerlerdiń Birinshi dúnıejúzilik soǵys kezindegi fýtbol matchyna arnalǵan eskertkish ashyldy.
Eskertkish 30 myńnan astam brıtandyq mektepterdiń oqýshylary qatysqan úzdik joba baıqaýynyń jeńimpazy atanǵan on jasar Spenser Ternerdiń jobasymen jasaldy.
Eskertkishti Kembrıdj gertsogi, hanzada Ýılıam ashty. Ol fýtboldyń kedergilerdi joıý kúshine ıe ekenin aıtyp, 1914 jylǵy bitim tarıhyn «úmit pen izgilik mysaly» dep atady.
Soǵysqan elder jaýyngerleri arasyndaǵy oıyn Belgııadaǵy Batys maıdan ýchaskesinde 1914 jylǵy Rojdestvo merekesiniń qarsańynda jarııalanǵan bitim kezinde ótkizildi.
Jaqynda ÝEFA prezıdenti Mıshel Platını «Rojdestvolyq matchtyń» ótkizilgen kúniniń 100 jyldyǵynyń qurmetine belgııalyq Plogstırt qystaǵynda taǵy bir eskertkishti ashqan edi.
