Brıtanııada bilim alǵan qazaqstandyqtar aýyldarda mektep ashpaq
ASTANA. QazAqparat - Brıtanııalyq dıplommen - aýylǵa. Ulybrıtanııada bilim alyp jatqan PhD stýdentter oqýlary aıaqtalǵan soń, aýyl bilimin kóterýge atsalyspaqshy. Bul týraly Habar 24 habarlaıdy.
Olar qolǵa alǵan Global Village Schools jobasynyń maqsaty - eń úzdik álemdik tájirıbe boıynsha aýyldarda joǵary sapaly bastaýysh jáne orta bilim beretin mektepter ashý.
Joba maqsaty kez kelgen aýyl oqýshysyna áýelgi múmkindikteri men akademııalyq qabiletterine qaramastan turǵylyqty jerinde sapaly bilim alýyna jaǵdaı jasaý. Bilim Fınlıandııa, Norvegııa, Islandııa sııaqty elderdiń ozyq úlgileri men tájirıbelerine sáıkes berilmek. PhD stýdentter muǵalimderge sarapshylyq turǵyda qoldaý kórsetip, olardyń qosymsha bilim alýyna jáne menedjerlik qabiletteriniń artýyna kómektesetin bolady.
«Máselen, sapaly bilim alý úshin úlken qalalar men ortalyqtarǵa barýdyń qajettiligi bolmaıdy. Olar astanalyq mektep bitirýshilerimen básekege qabiletti bola túsedi. Eń bastysy, jańa mektepter salý arqyly aýyldarda jańa jumys oryndary ashylady. Osylaısha aýyl jastarynyń qalaǵa aǵylý legin toqtatýǵa tyrysatyn bolamyz», - deıdi Lester ýnıversıtetiniń PhD stýdenti Halıda Ájiǵulova.
Bastamanyń avtorlary Ulybrıtanııa men Irlandııadaǵy qazaqstandyq doktoranttar qaýymdastyǵynyń músheleri. Olar árqashan elimizdiń turaqty damýyna baǵyttalǵan jobalardy júzege asyrýǵa múddeli.
«Bizdiń doktoranttardyń 30% brıtanııalyq ýnıversıtetterdiń esebinen oqyp jatqan stýdentter. 70% «Bolashaq» baǵdarlamasymen bilim alyp jatyr. ıAǵnı bizdiń qaýymdastyqtaǵylar brıtanııalyq ýnıversıtet granttarynyń ıegeri bola tura elge oralyp, halyqtyń ál-aýqatyn jaqsartýǵa atsalyspaq», - deıdi Qazaqstandyq doktoranttar qaýymdastyǵynyń prezıdenti Álııa Sembaeva.
Bastamashy top qazir ıvestorlar men bilim salasyndaǵy nıettes adamdardy izdestirip jatyr. Olar oılaǵandary júzege asyp, qazaqstandyq aýyldardyń turaqty damýyna sebepshi bolatyndyqtaryna senimdi.
