Brıtanııada bes otbasynyń dáýleti eldiń 20 paıyz halqynyń ál-aýqatynan asyp tústi
ASTANA. QazAqparat - Ulybrıtanııadaǵy eń baı bes otbasynyń jıyntyq dáýleti eldegi 20 paıyz kedeı halyqtyń ál-aýqatynan joǵary. Bul jaıynda «Oxfam» qaıyrymdylyq qorynyń málimetinde habarlandy, dep jazady VVS.
Uıym derekterine qaraǵanda, 47 mlrd. dollarǵa baǵalanyp otyrǵan eń baı otbasylardyń qazyna múlki 12,6 mln. brıtandyqtyń tutas qarjysynan asyp otyr.
«Oxfam» ókilderiniń málimdemesinde Brıtanııa jikke bólinip jatqan ultqa aınalyp otyrǵandyǵy aıtylǵan. Olar el úkimetin jyldyq bıýdjetti talqylaý kezinde salyqtan jaltarý problemalaryna emes, dáýlet pen sán-saltanatqa salyqty kóterý máselesine nazar aýdarýǵa shaqyrdy. Osy oraıda, uıymdaǵylar elıtanyń tabystary qarqyndy túrde artyp kele jatqandyǵyn, al osy kezde mıllıondaǵan otbasylar nápaqasyn ázer taýyp otyrǵandyǵyn atap ótti.
