Brıtanııada áıel yzaly shaǵalalardan qorqyp, úıinen úsh kún boıy shyǵa almady
ASTANA. QazAqparat - Brıtandyq Braıton-end-Hov qalasynyń turǵyny shaǵalalardyń shabýyldaýynan qorqyp, úsh kún boıy úıinen shyǵa almaǵan.
Aýlada kir jaıyp jatqan Barbara Koksqa (Barbara Cox) eki qus shabýyldaǵan. Shaǵalanyń biri zardap shegýshiniń aıaǵyna jarmasqan. Qoryqqan áıel úıine qashyp kirip, polıtsııaǵa qońyraý shalǵan. Shaǵalalardyń shabýyldaǵanyn, olardy ustaýyn ótingen, alaıda polıtseıler buǵan aqsha bólinbegenin jeleý etip kelmegen, dep habarlaıdy lenta.ru.
Koks úsh kúnnen keıin aıaǵyn qaratý úshin aýrýhanaǵa barǵan. Aıtýynsha, ol qatty qoryqqandyqtan úıinen shyǵa almaǵan. Áıel qustar úıdiń artyna salǵan uıalaryn qorǵaýǵa tyrysqandyqtan osyndaı áreketke barǵan bolýy múmkin dep otyr.
