Brıtanııada alǵashqy klondalǵan kúshik paıda boldy
ASTANA. QazAqparat - London turǵyny Ulybrıtanııadaǵy alǵash klondalǵan ıttiń ıesi atandy, dep jazady Daily Mail.
Mını-Vınnı atty Taksa tuqymdy kúshik 12 jastaǵy Vınnı esimdi ıttiń teri kletkalarynan klondalyp shyǵarylǵan. Klondaý jumystary Ońtústik Koreıanyń zerthanalarynyń birinde jasalǵan.
«Vınnı - meniń súıikti ıtim. Al, onyń kletkasynan klondalǵan Mını-Vınnı atty kúshik ekeýi óte uqsas. Birdeı ýaqyt uıyqtaıdy, tańerteń bir ýaqytta turady», - deıdi 29 jastaǵy kelinshek.
Itti klondaý 90 myń dollar turady eken, biraq turǵyn bul aqshany tólemepti. Ol arnaıy konkýrs barysynda osy múmkindikti jeńip alǵan.
