Brıtanııada A/H1N1/ tumaýyn juqtyrǵandardyń sany kúrt ósip otyr
ASTANA. Qarashanyń 2-si. QazAqparat - - Ótken aptada Ulybrıtanııada A/H1N1/ tumaýymen aýyrǵandardyń sany birden 50 paıyzǵa ósti.
Ulttyq buqaralyq aqparat quraldarynyń habarlaýynsha, sońǵy 7 kúnde qaýipti vırýsty juqtyrýdyń 78 myń jańa oqıǵasy tirkelgen.
Brıtanııada A/H1N1/ tumaýynan bıylǵy maýsymda 138 adam kóz jumdy. Búgingi kúngi jaǵdaı boıynsha tek qana Anglııada A/H1N1/ vırýsymen 751 adam aýrýhanaǵa túsken. Onyń 157-si- ıntensıvti terapııa bóliminde jatyr.
Eldiń bas dárigeri Lıam Donaldson málim etkendeı, elde jańa tumaýdy juqtyrǵandardyń sany kúrt ósip otyr. Osylaısha, aǵymdaǵy jyldyń kúz jáne qys mezgilinde tumaýdyń órshý yqtımaldyǵy týraly kóptegen mamandardyń boljamy shynǵa aınalyp keledi.
