Brıtanııada 800 myń jyl burynǵy adam izi tabyldy
ASTANA. QazAqparat -Brıtandyq arheologttar osydan shamamen 800 myń - 1 mln. jyl burynǵy adam aıaǵynyń izderin tapqandyǵyn jarııa etýde, dep habarlaıdy Associated Press.
Tabylǵan izder Afrıkadan tysqary aýmaqta da adamdardyń qonystanǵanyn bildiretin kóne belgi bolyp tabylady. Sonymen birge Soltústik Eýropada adamdardyń ejelgi dáýirde-aq paıda bolǵanyn bildiredi.
Brıtan jáne London murajaılary men London ýnıversıtetiniń arheologtary adam izderin Ulybrıtanııanyń shyǵys jaǵalaýyndaǵy Heppısbýrg qalasynan taýyp otyr. Olardyń jasy tabylǵan jan-janýarlardyń qaldyqtaryn zerdeleýdiń arqasynda belgili bolýda. Іzder keminde eki bala men bir eresek erkek adamǵa tıesili. Ǵalymdardyń boljamynsha, olar Temza ózeniniń saǵasynda kúndelikti jemine qajetti tamaq izdeýmen aınalysqan.
