Brıtanııa júzdegen sırııalyq bosqyndardy qabyldamaq
ASTANA. QazAqparat - Brıtanııa júzdegen sırııalyq bosqynǵa ýaqytsha baspana beretinin málimdedi.
Birinshi kezekte Brıtanııada turý quqyǵy áıelderge, qarttar men múgedekterge usynylmaq.
Budan buryn BUU irgeli elderdi 30 myń sırııalyq bosqyndy qabyldaýǵa shaqyrǵan bolatyn. Londondaǵy BUU-nyń bosqyndar isi jónindegi agenttiginiń ókili Brıtanııanyń bosqyndardyń keıbir sanattaryna baspana berý turǵysyndaǵy sheshimin úmittendiretin belgi dep málimdedi.
Sheteldik BAQ-tyń habarlaýynsha, osynyń aldynda brıtandyq úkimet Sırııaǵa 1 mıllıard dollar kóleminde gýmanıtarlyq kómek jasaǵanyn eskere otyryp, bul eldiń bosqyndaryn qabyldaýdy jalǵastyrýdan bas tartqan bolatyn.
Aıta keteıik, búginde Taıaý Shyǵys elderi ózderiniń aýmaǵynda 2 mıllıonǵa jýyq sırııalyqty ornalastyrdy.
