Brıtanııa XIX ǵasyrdan beri alǵash ret bir kúnin kómirsiz ótkizdi
ASTANA. QazAqparat - Ulybrıtanııa XIX ǵasyrdyń sońynan beri alǵash ret bir jumys kúninde óndirisine taskómir qoldanylatyn elektr energııasyn paıdalanbady, dep habarlaıdy Bı-Bı-Sı agenttigi.
Brıtandyq elektrmen jabdyqtaý jelisi operatorynyń (Ulttyq jeli kompanııasy) deregi boıynsha, 21 sáýir - 2025 jylǵa qaraı kómir qoldanýdan kezeńimen bas tartý baǵdarlamasyndaǵy betburys kúni bolyp tabylady.
Kómir - aýany eń kóp lastaıtyn qazba otyn túrleriniń biri.
Zııandy zattarǵa salynatyn salyqtyń kóp bolǵany sonshalyq, elektr stansalary úshin kómirdi qoldaný tıimsiz bolyp otyr.
2016 jyldyń shilde aıynda Búkilálemdik jabaıy tabıǵat qory men basqa da uıymdardyń mamandary ázirlegen baıandamaǵa sáıkes, Eýropadaǵy kómir elektr stansalarynyń jumysy saldarynan jyl saıyn 23 myń adam kóz jumady.
