Brıtanııa valıýtasy tarıhta tuńǵysh ret kúrt quldyrady
ASTANA. QazAqparat - Brıtanııanyń EO-dan shyǵýyna daýys berýshiler sany «breksıtke» qarsy daýys sanynan asyp tústi, osyǵan baılanysty brıtandyq fýnt baǵamy dollarǵa shaqqanda kúrt tómendep ketti, dep habarlady VVS agenttigi.
Astana ýaqyty boıynsha saǵat 7:10-da 1 fýnt 1,4 dollarǵa deıin 5,5 paıyzǵa túsip ketti. Brıtandyq valıýtanyń bir sátte osylaı kúrt quldyraýy tarıhta alǵashqy ret bolyp otyr. Budan buryn baǵam fýntyna 1,5 dollarǵa jetken.
CIBC-ten sarapshy Djeremı Stretch baǵamnyń bulaı shekten tys aýytqýy ishinara saýda-sattyqtyń azdyǵynan dep atap ótti.
Fýnttyń quldyraýy Eýropalyq odaqtan Brıtanııanyń shyǵýyna berilgen daýys sany birqatar okrýgterde sarapshylardyń boljamynan da asyp túsken.
Qazirgi ýaqytta 51 aımaqtyq ortalyqtyń daýys nátıjeleri belgili boldy. 1,75 mln astam adam Brıtanııanyń EO-dan shyǵýyna daýys berdi. 1,8 mln adam «breksıtke» qarsy. Qazir refrerendýmǵa qatysýǵa tirkelgenderdiń jalpy sanynyń 20 paıyzǵa jýyǵy esepteldi.
Taıaý saǵattarda qalǵan 331 ortalyqtaǵy daýys berý nátıjeleri jarııalanady.
