Brıtanııa ishki ister mınıstri polıtsııany synaǵany úshin qyzmetinen bosatyldy

Brıtanııa ishki ister mınıstri Sýella Braverman Úkimet basshysynyń kózqarasyna saı kelmeıtin pikir bildirgennen keıin qyzmetinen bosatyldy. Ol London polıtsııasynyń narazylyq kezindegi áreketin aıyptaǵan edi, dep habarlaıdy Kazinform agenttigi VVS jańalyqtaryna silteme jasap. 

Braverman ótken demalys kúnderi Londonda Palestınany qoldaǵan jáne Izraılge qarsy narazylyq aldynda jarııalanǵan maqalasy shıelenis týdyrdy dep aıyptaldy.

Times gazetindegi maqalasynda ol polıtsııany basqa oqıǵalarmen salystyrǵanda Izraılge qarsy radıkaldy sherýshilermen qarym-qatynasta tym jumsaqtyq tanytty dep aıyptady.

Saldarynan Brıtanııada jappaı saıası dúrbeleń týyp, halyq premer-mınıstr Sýnaktan Bravermandy qyzmetinen alyp tastaýdy talap etti.

Maqalany premer-mınıstrdiń keńsesi maquldamady, keıinirek Braverman Daýnıng-strıttiń maqalanyń mazmunyn ózgertý týraly ótinishin oryndamaǵany belgili boldy.

Sýella Bravermannyń jumystan bosatylýy premer-mınıstr Rıshı Sýnaktyń kelesi aptada bolatyn «kúzgi málimdemesi» qarsańyndaǵy mınıstrler kabınetindegi iri ózgeristerdiń bastaýy bolaıyn dep tur.