Brıtanııa polıtsııasy lańkestiń kim ekenin anyqtady
LONDON. QazAqparat - Londonda terakt jasaǵan lańkes osy eldiń azamaty ári buǵan deıin arnaıy qyzmet ókilderine aty málim adam bolǵan. Bul týraly parlamentte sóz sóılegen Ulybrıtanııanyń premer-mınıstri Tereza Meı málim etti, dep habarlaıdy QazAqparat.
«Teraktini jasaǵan er adam Ulybrıtanııada týǵan. Birneshe jyl buryn MI5 (brıtandyq arnaıy qyzmet - red.) oǵan qatysty ekstremızm boıynsha is qozǵaǵan», - dedi Tereza Meı.
Premer-mınıstr ol joly lańkestiń iske tikeleı qatysy bolmaǵanyn, ekinshi dárejeli qatysýshy bolǵanyn aıtty. Al sońǵy ýaqytta kúdikti baqylaýda bolǵan.
«Bizdiń jumys nusqamyz boıynsha shabýyl jasaǵan adam jalǵan ıslamdyq ıdeologııamen «aýyrǵan» bolýy yqtımal», - dedi brıtandyq premer.
Odan bólek Meı brıtandyq polıtsııa ótken túni Londonda jáne Bırmıngemde tekserý jumystaryn júrgizip, 8 adamdy tutqynǵa alǵanyn málim etti. Sondaı-aq ol lańkestik kezinde 11 eldiń azamattary japa shekkendigin aıtty.
«11 memlekettik azamattary japa shekti: 12 brıtanyq, 3 frantsýz, 2 rýmyn, Ońtústik Koreıanyń 4 azamaty, 1 nemis, 1 polıak, 1 ırlandııalyq, 1 Qytaı azamaty, 1 ıtalıandyq, 1 AQSh azamaty jáne 2 grekııalyq azamat», - dedi Meı.
Eske sala keteıik, sársenbi kúni avtokólik Vestmınster kópirinde adamdardy taptap ótken. Keıin parlament ǵımaraty janyna baryp toqtaǵan lańkestiń kózi joıyldy. Shabýyl jasaýshy bir polıtseıge pyshaq salyp úlgergen, keıin saqshy aýrýhanada kóz jumdy. Terakt kezinde 4 adam qaza tapty.
