Brıtanııa parlamenti Eýroodaqtan shyǵý týraly shartty qabyldaǵan joq
ASTANA. QazAqparat - Ulybrıtanııa parlamentiniń qaýymdar palatasy seısenbi kúni keshkisin Eýroodaqtan shyǵý týraly sharttyń jobasyn qabyldaǵan joq.Buǵan Brıtan úkimeti men Eýroodaq kelisim bergen bolatyn, dep habarlaıdy «QazAqparat» HAA VVS-ge silteme jasap.
Oppozıtsııa basshysy Djeremı Korbın sol mezette úkimetke senimsizdik votýmyn bildirý bastamasyn kóterdi.
Bul úkimettiń otstavkaǵa ketýine, merziminen buryn saılaý ótkizip, «breksıttiń» keshiktirilýine, tipti Brıtanııanyń Eýropa odaǵyndaǵy músheligi týraly referendýmdy qaıta ótkizýge ákep soqtyrýy múmkin.
Shartqa 432 depýtat qarsylyq bildirip, 202 depýtat qoldaǵan. «Bul úkimet úshin sumdyq jeńilis», - deıdi Leıborıster partııasynyń basshysy Djeremı Korbın. Ol, sondaı-aq resmı túrde úkimetke senimsizdik votýmyn bildirý usynysyn engizetinin málimdedi.
