Brıtanııa parlamenti Eýroodaqtan shyǵý týraly kelisimniń jobasyn taǵy qaıtardy
BRıÝSSELЬ. QazAqparat - Ulybrıtanııa parlamentiniń Qaýymdar palatasy Eýroodaqtan shyǵý týraly kelisimniń jobasyn taǵy qaıtardy. Qujatty premer-mınıstr Tereza Meı Eýrokomıssııa basshysy Jan-Klod ıÝnkermen kelisken bolatyn, dep habarlaıdy «QazAqparat» HAA-nyń EO elderindegi menshikti tilshisi.
Kelisimniń jańa jobasyn qoldap 242 depýtat daýys berdi, 391-i qarsy boldy.
Dúısenbi kúni Strasbýrgte J.K. ıÝnker men T. Meı kezdesip, Brıtanııanyń Eýroodaqtan shyǵýy týraly qorytyndy qujatqa mańyzdy tolyqtyrý bolýy tıis ırlandııalyq shekara jónindegi kelisimderge qol jetkizgen bolatyn.
Parlament buǵan deıin eki ret - qańtar jáne aqpan aılarynda úkimet usynǵan qujatty qaıtarǵan bolatyn.
Qujatqa qarsy bolyp otyrǵandardyń kóńili tolmaı otyrǵan basty másele - Irlandııa men Soltústik Irlandııa arasyndaǵy shekara.
Atap aıtqanda, EO Soltústik Irlandııany 2020 jyldan keıin belgisiz merzimge Keden odaǵynda qaldyrýdy usynyp otyr. Máseleniń buldyr bolýy eldiń sýverenıtetin aıtarlyqtaı shekteıdi ári Ulybrıtanııanyń ózge eldermen jańa saýda kelisimderin jasaý jónindegi kelissózder júrgizýine kedergi jasamaq.
Strasbýrgte qol jetkizilgen kelisim Soltústik Irlandııa belgisiz merzim aralyǵynda EO Keden odaǵynyń bóligi bolmaıtynyn, al Ulybrıtanııa eger protsess uzaqqa sozylsa, bul jaǵdaıdy retteý quqyǵyna ıe bolatynyn qarastyrady.
Sondaı-aq London men Brıýssel Irlandııa shekarasyna qatysty sharttardy basqa joldar arqyly almasý boıynsha jumysty bastaý mindetin aldy.
Degenmen, brıtanııalyq depýtattar premer-mınıstrdiń Eýropa odaǵynan Irlandııa shekarasy boıynsha alǵan kepildikter jetkiliksiz, sondyqtan Ulybrıtanııanyń uzaq ýaqyt boıy EO ıýrısdıktsııasynda qalyp qoıýy qaýpi basym dep sanaıdy.
Endi sársenbide parlament Eýropa odaǵynan kelisimsiz shyǵý úshin daýys berýi tıis. Al beısenbi kúni Brıtanııanyń Eýropa odaǵynan shyǵýyn 29 naýryzdan maýsymnyń aıaǵyna aýystyrý týraly EO-ǵa ótinish berý máselesi daýysqa salynady.
Avtory: Tımýr Dúısekeev
