Brıtanııa parlamenti «breksıtti» qoldap daýys berdi
ASTANA. QazAqparat - Brıtanııa parlamentiniń qoǵamdyq palatasy birinshi oqylymda eldiń Eýroodaqtan shyǵý tártibi týraly Lıssabon shartynyń 55 babyn kúshine engizýdi maquldady, dep habarlaıdy Bı-Bı-Sı agenttigi.
Eýroodaqtan shyǵý jónindegi úkimettiń zań jobasyn parlamentte eki kún talqylaǵan keıin ony 498 depýtat qoldap shyqty, 114-i qarsy boldy.
Zań jobasynyń ekinshi oqylymynda talqylaý barynsha egjeı-tegjeıli ótedi, ol 6 aqpanǵa belgilengen.
Zań jobasy parlamentke Joǵarǵy Sottyń qaýlysynan keıin engizildi, onda Brıýsselmen EO-dan shyǵý týraly kelissózderdi bastaýǵa arnalǵan zańnamany úkimet zań shyǵarýshylarmen kelisýi kerek dep kórsetilgen.
Eske sala ketsek, 2016 jyly maýsym aıynda ótkizilgen referendýmda Brıtanııa turǵyndarynyń 51,9 paıyzy eldiń Eýroodaq quramynan shyǵýyn qoldap daýys bergen bolatyn.
FOTO: © bbc.com
