Brıtanııa mindetti tsıfrlyq jeke kýálikten bas tartty
ASTANA. KAZINFORM – Ulybrıtanııa úkimeti tsıfrlyq jeke kýálikti jumysqa ornalasýdyń mindetti sharty etý josparyn qaıta qarap, odan bas tartty. Endi bul bastama erikti negizde iske asyrylady, al qyzmetkerler eńbek etý quqyǵyn ózge de qujattar arqyly rastaı alady.
ıAǵnı, 2025 jylǵy qyrkúıekte el premer-mınıstri Kır Starmer jarııalaǵan saıasat qaıta qaralyp jatyr. Ol kezde úkimet basshysy tsıfrlyq jeke kýálik zańsyz kóshi-qonmen kúrestegi negizgi quralǵa aınalyp, barlyq jumys isteıtin azamattar úshin mindetti bolady dep málimdegen edi.
Alaıda qazirgi tańda úkimet ustanymyn ózgertti. The Times gazetiniń jazýynsha, mınıstrler bastamanyń mindetti sıpaty qoǵamnyń qoldaýyn álsiretetinin moıyndaǵan.
BBC deregine sáıkes, qyrkúıektegi málimdemeden keıin tsıfrlyq jeke kýálikterdi qoldaý deńgeıi 50 paıyzdan tómendep, halyqtyń úshten birine de jetpegen. Sonymen qatar úsh mıllıonǵa jýyq adam parlamenttik petıtsııaǵa qol qoıyp, bastamaǵa qarsylyq bildirgen.
Mindetti formatqa syn tek qoǵam tarapynan ǵana emes, bıliktegi Leıborıstik partııa ishinen de aıtyldy. Financial Times málimetinshe, partııa depýtattary úkimetke qatań model qoǵamdyq konsensýsqa qol jetkizýdi qıyndatatynyn eskertken.
Baǵyttyń ózgerýi leıborıster bılikke kelgennen keıingi birqatar saıası sheginistiń jalǵasy boldy. Buǵan deıin úkimet áleýmettik qamsyzdandyrý júıesin reformalaý, qystaǵy jylý tólemderin qysqartý jáne fermerlerge arnalǵan muragerlik salyq máseleleri boıynsha da bastapqy ustanymdaryn jumsartqan.
Sonymen qatar BBC habarlaǵandaı, mundaı sheshimder keıbir depýtattardyń narazylyǵyn týǵyzǵan. Olar keıinnen kún tártibinen alynyp tastalatyn bastamalardy kópshilik aldynda qorǵaýdyń qanshalyqty oryndy ekenine kúmán keltire bastaǵan.
Jańartylǵan josparǵa sáıkes, 2029 jylǵa qaraı jumys isteý quqyǵyn tekserý tolyqtaı tsıfrlyq formatqa kóshiriledi. Alaıda tsıfrlyq jeke kýálik júıesine tirkelý mindetti bolmaıdy.
Azamattar óz mártebesin bıometrııalyq pasport, elektrondy vıza nemese Іshki ister mınıstrliginiń derekqorlarymen sáıkestendiriletin kommertsııalyq verıfıkatsııa servısteri arqyly rastaı alady.
Sonymen birge úkimet tsıfrlyq tekserýlerden tolyq bas tartpaıtynyn atap ótti. The Times keltirgen úkimet ókiliniń aıtýynsha, qazirgi qaǵazǵa negizdelgen júıe bytyrańqy jáne keıde tekserýdiń ózi júrgizilgenin dáleldeýge múmkindik bermeıdi, bul alaıaqtyqqa jol ashady.
Bılik endi basty ekpindi zańsyz kóshi-qonmen kúresten azamattar úshin yńǵaılylyqty arttyrý men memlekettik qyzmetterge qoljetimdilikti jeńildetýge kóshirýdi kózdep otyr. Úkimet ókiliniń sózinshe, tsıfrlyq jeke kýálik kúndelikti ómirdi jeńildetip, qyzmetterdi neǵurlym úılesimdi ári tıimdi etýge tıis.
Jańartylǵan tetiktiń egjeı-tegjeıi jaqyn ýaqytta bastalýy tıis qoǵamdyq konsýltatsııalar aıasynda usynylady.
Aıta keteıik, Ulybrıtanııa men EO arasyndaǵy temirjol qatynasy ýaqytsha toqtady.