Brıtanııa men taǵy tórt memleket Izraıl mınıstrlerine sanktsııa saldy

ASTANA. KAZINFORM – Ulybrıtanııa, Avstralııa, Jańa Zelandııa men Norvegııa Izraıl mınıstrlerine sanktsııa saldy, dep habarlaıdy Kazinform agenttiginiń menshikti tilshisi.

Ulttyq qaýipsizdik mınıstri Itamara Ben-Gvır men Qarjy mınıstri Betsalel Smotrıchke qarsy Ulybrıtanııa, Avstralııa, Kanada, Jańa Zelandııa men Norvegııa birlesip, jeke sanktsııa saldy.

Sanktsııa sharasy aktıvterdi buǵattap, elge kirýge tyıym salýdy qarastyrady. Bul týraly atalǵan bes eldiń syrtqy ister mınıstrleri basshylarynyń birlesken málimdemesinde aıtylǵan.

- Biz eki memleket negizinde qabyldanǵan sheshimdi qoldaımyz jáne ony seriktestermen birge júzege asyramyz. Bul Izraıl men Palestına turǵyndarynyń qaýipsizdigi men óńirdegi turaqtylyqty uzaq merzimge qamtamasyz etýdiń jalǵyz joly. Alaıda buǵan ekstremıst qonystanýshylar tarapynan jasalyp otyrǵan kúsh kórsetý áreketteri men qonysty keńeıtý sharalary qaýip tóndirip otyr, - delingen habarlamada.

Onda Itamar Ben-Gvır men Betsalel Smotrıchtiń arandatý arqyly ekstremıstik kúsh kórsetip, palestınalyqtardyń quqyqtarynyń aıtarlyqtaı buzylýyna yqpal etkeni aıtylǵan.

Málimdemede bulaı etýge bolmaıtyny, kinálilerdi jaýapqa tartý sol úshin qolǵa alynǵany aıtylǵan.

- Biz shuǵyl turde atysty toqtatyp, kepildegi qalǵan adamdardyń jedel túrde bosatylyp, azyq-túlikti qosa alǵanda gýmanıtarlyq kómektiń kedergisiz jetkizilýine kúsh salamyz. Biz HAMAS basqarmaıtyn, qalpyna keltirilgen Gaza sektoryn jáne eki memleket negizinde sheshiletin saıası baǵytty kórgimiz keledi,- dep túsindirdi mınıstrler málimdeme mátinin.

Soǵan qaramastan málimdemede, Ulybrıtanııa men onyń seriktesteriniń Izraıldiń qaýipsizdigin qamtamasyz etip, Gaza sektorynda atysty shuǵyl toqtatý úshin Izraıl úkimetimen yntymaqtastyqta jumys isteıtini aıtylǵan.

Osyǵan deıin Izraıldiń Iemenniń Hodeıda portyna soqqy bergeni týraly jazdyq.