Brıtanııa men Frantsııa La-Manshtaǵy qaýipsizdikti kúsheıtpek
ASTANA. QazAqparat - Brıtanııa men Frantsııa La-Mansh buǵazy arqyly ótetin tonneldegi qaýipsizdik sharalaryn kúsheıtýge baǵyttalǵan ortaq kelisimge qol qoımaq, dep habarlady «Bı-Bı-Sı» agenttigi.
Mundaı sheshimge Afrıka men Azııa elderinen kelgen mıgrattar tonnel arqyly eki eldiń shekarasyn zańsyz kesip ótýi basty sebep bolyp otyr. Resmı derekter boıynsha, tek shilde aıynda Kale portynda Afrıka jáne Taıaý Shyǵys elderinen kelgen 5 myńǵa jýyq zańsyz mıgrant Brıtanııaǵa ótpek bolǵan. Kúnine myńdaǵan adam Frantsııanyń Kale qalasynan Brıtanııaǵa tonnel arqyly ótýge áreket jasaıdy. Irak, Sırııa, Lıvaııadaǵy qaqtyǵystarǵa baılanysty olardyń qatary ulǵaıyp barady.
